Имрӯз 23 июл дар Вазорати нақлиёти кишвар нишасти матбуотӣ баргузор гардид. Вазири нақлиёти кишвар Азим Иброҳим вобаста ба фаъолияти вазорат дар нимсолаи аввали соли ҷорӣ гузориш дод. Таъкид гардид, ки новобаста аз мушкилоти ҷойдоштаи логистикӣ, дар самти ҳамлу нақл раванди рушди босуботи нишондиҳандаҳои асосӣ дар нимсолаи аввали соли 2025 нигоҳ дошта шуд. То ин давра дар соҳаи нақлиёт 2837 корхонаҳои шаклҳои гуногуни моликиятдорӣ, аз ҷумла 2439 субъектҳои хоҷагидории нақлиёти автомобилӣ, 261 хоҷагии роҳҳо ва 137 корхонаи роҳи оҳан фаъолият доранд, ки нисбат ба ҳамин давраи соли гузашта 4,7 дарсад зиёд мебошад. Тавассути ҳама намуди нақлиёт 66.6 млн. тонна ва 511,1 млн. мусофир интиқол дода шуд. Барои нигаҳдории хоҷагии роҳҳо аз буҷети ҷумҳуриявӣ соли ҷорӣ 140 млн сомонӣ ҷудо гардид, ки нисбат ба соли 2024 31,5 млн сомонӣ зиёд мебошад. Дар робита ба рақамикунонии соҳаи нақлиёт аз ҷониби КВД «Маркази рақамикунонии соҳаи нақлиёт» хизматрасонии почтаи электронӣ ва 301 адад GPS дар техникаҳои нигаҳдорӣ васлу насб гардидаст. Дар самти равобити байналмиллалӣ дар ин давра мулоқоти дуҷониба ва бисёрҷонибаро бо намояндагони дипломатии давлатҳои Арабистони Саудӣ, Латвия, Арманистон ва Созмони ҳамкории иқтисодӣ ба роҳ мондааст.
Радиои бурунмарзии «Овози тоҷик» минбари тамоми тоҷикони ҷаҳон аст.
+9922274740; +992988814264
voiceoftajikistan@gmail.com
