Дар доираи сафари Президенти Ҷумҳурии Муғулистон Ухнаагийн Хурэлсух ба Ҷумҳурии Тоҷикистон, имрӯз бо иштироки муовини аввали сарвазири Тоҷикистон Ҳоким Холиқзода ва муовини аввали сарвазири Муғулистон Сайнбуян Амарсайхан нахустин Форуми сармоягузории Тоҷикистону Муғулистон баргузор гардид. Дар кори форум ҳамчунин роҳбарони вазорату идораҳои дахлдор, сохторҳои иқтисодӣ ва бахшҳои хусусии ҳар ду кишвар иштирок намуданд. Дар ҷараёни кори форум пешниҳод ва ташаббусҳои мушаххас оид ба татбиқи лоиҳаҳои муштарак дар соҳаҳои энергетика, нақлиёт, кишоварзӣ, саноат ва рушди сайёҳӣ баррасӣ гардиданд.
Форуми мазкур бо ҳадафи таҳкими равобити тиҷоративу иқтисодӣ, ҷалби сармоя ва муайян намудани самтҳои афзалиятноки ҳамкориҳои оянда мебошад. Ҳамзамон дар доираи форум мулоқотҳои дуҷониба байни соҳибкорони ду кишвар ва вохӯрии соҳибкорон бо бо мақомоти марбутаи давлатӣ баргузор шудааст. Дар ҳошияи форум якчанд созишнома байни идораҳои дахлдор ва ширкатҳои давлативу хусусии ҳар ду кишвар ба имзо расид.
Абдурофеъ Шарифиён, Овози тоҷик
АХБОРИ МОНАНД:
Ҳайати ҳукуматии Тоҷикистон дар Анҷумани тиҷоратии EBRD дар Лондон ширкат варзид
Сафири Тоҷикистон дар Олмон дар сафари шиносоӣ-иттилоотӣ ба Бавария бо Президенти федеролӣ иштирок намуд
Иштироки Саъдӣ Каримзода дар ҷаласаи 7-уми вазирони кишоварзии кишварҳои узви Созмони ҳамкории иқтисодӣ
Тоҷикистону Фаронса роҳандозии мактаби синамонигорон дар соли 2023-ро баррасӣ намуданд
