Бо вуҷуди талошҳои Толибон барои эътирофи онҳо дар як соли гузашта, Покистон, муттаҳиди аслии Толибон, ҳанӯз омода нест.Дар ин бора радиои»Овози тоҷик» дар истинод ба «afintl» хабар медиҳад.
Мансур Аҳмад Хон, сафири Покистон дар Кобул ба хабаргузории TOLOnews гуфтааст, ки «эътироф кардани ҳукумати Афғонистон бояд тавассути дарки кишварҳои ҳамсоя, минтақа ва ҷаҳон сурат бигирад.»
Толибон иддао доранд, ки сиёсат ва рафтори худро дар муқоиса бо гузашта тағйир додаанд ва ба тақозоҳои умдаи байналмиллалӣ расидаанд. Мақомҳои Толибон ба амният ва вазъи сангини иқтисодии Афғонистонро сабабҳои ҳамкории ҷаҳон бо ин гурӯҳ таъкид мекунанд.
Сафири Покистон аз Толибон хост, то иҷоза надиҳад гурӯҳҳои террористӣ ба мисли Таҳрики Толибони Покистон иљозаи фаолият дар Афғонистон надињанд. Давлати Покистон борҳо аз ҳамлаҳои Толибони покистонӣ ба хоки ин кишвар изҳори норозигӣ кардааст.
Толибон мегӯянд, ба ҳеҷ гурӯҳе иҷоза намедиҳанд, ки ба қаламрави кишварҳои ҳамсоя ҳамла кунанд. Аммо ин гурӯҳ то ҳол натавонистааст аз ҳамлаи Толибони покистонӣ ба сарбозони покистонӣ аз Афғонистон ҷилавгирӣ кунад.
Сафири Покистон аз Толибон хост, ки ба як «сохтори сиёсии фарогир»-ро қабул кунанд. Аҳмадхон Афғонистонро як кишвари иборат аз грўњњои этникӣ ва нирӯҳои мухталифи сиёсӣ тавсиф кард ва ба гуфтаи ӯ, суботи сиёсӣ бе ширкати онҳо ба даст намеояд.
Вай ҳамчунин эътироф кард, ки машрӯъияти ҳукумати Толибон ба риояи масоили ҳуқуқи башар, бахусус боз шудани мактабҳои миёна барои духтарон рабт дорад.
АХБОРИ МОНАНД:
Сарвазири Бритониё Борис Ҷонсон аз мансабаш барканор шуд
Экспресс Трибун :Толибон аз нокомиҳои гузашта сабақ нагирифтаанд ва идомаи зулми онҳо бар мардум ин кишварро ба ҷанги шаҳрвандӣ мебарад
Паштунсозӣ дар Тахор: Толибон бо куч додани сокинони маҳаллии Тахор бодиянишинони Покистонро ҷойгузини онҳо мекунанд
Таркиш дар масҷиди Гозаргоҳи Ҳирот: Мақомоти маҳаллии Толибон марги Мавлӣ Ансориро тасдиқ карданд
