
Имрӯз, 21 октябр Муовини вазири фарҳанги Ҷумҳурии Тоҷикистон Шарифзода Манучеҳр Муртазо бо Сафири фавқуллода ва мухтори Ҷумҳурии Халқии Бангладеш дар Ҷумҳурии Тоҷикистон Мд Заҳангир Алам, ки қароргоҳаш дар шаҳри Тошкенти Ҷумҳурии Узбекистон мебошад, мулоқот намуд.
Тавре радиои “Овози тоҷик” дар такя ба Вазорати фарҳанги Ҷумҳурии Тоҷикистон хабар медиҳад, миёни ҷонибҳо гуфтугӯи самимию дӯстона сурат гирифта, ҳамкориҳо дар самти фарҳанг, аз ҷумла санъату мусиқӣ, ҳифзу нигоҳдошти ёдгориҳои таърихию фарҳангӣ мавриди баррасӣ қарор гирифтанд.
Ҳамзамон, ҷонибҳо вобаста ба баргузории як қатор барномаҳои ҳунарӣ, боздид аз мавзеъҳои таърихию фарҳангии ҳар ду кишвар гуфтугӯ намуданд.
Вохӯрӣ дар фазои ҳусни тафоҳуми ҳамдигарӣ баргузор шуд.