27 октябр Сафири Фавқулода ва Мухтори Ҷопон дар Ҷумҳурии Тоҷикистон Тошихиро Аики ба вилояти Суғд ташриф меорад.
Тавре ки радиои «Овози тоҷик» дар такя ба Хадамоти матбуотии Раиси вилояти Суғд хабар медиҳад, зимни сафари корӣ сафир аз ноҳияҳои Шаҳристон ва Спитамен дидан мекунад.
Интизор меравад, ки сафир бо роҳбарияти вилоят низ дидору гуфтугӯ кунад.
Сафир ва ҳамроҳонаш ҳамзамон дар чорабинии фарҳангӣ бахшида ба 30-солагии истиқрори муносибатҳои дипломатӣ байни Тоҷикистону Ҷопон, ки соати 18- и рӯзи 27 октябр дар Театри давлатии мазҳакаи мусиқии ба номи Камоли Хуҷандӣ доир мешавад, иштирок менамоянд.
