Тоҷикистон дар намоиши байналмилалии сайёҳии «Travel Hub Commonwealth», ки рӯзҳои 9-10 ноябр дар Санкт-Петербург баргузор мешавад, ширкат хоҳад кард. Дар ин бора бахши русии хабаргузории «Sputnik» иттилоъ додааст.
Ин намоиш имконе барои кишварҳои Иттиҳоди Давлатҳои Мустақил хоҳад буд, то равобиташонро дар самти сайёҳӣ тақвият ва таҷрибаашонро мубодила кунанд. Намоиши мазкур дар «Қасри Таврия» – қароргоҳи Ассамблеяи байнипарлумонии кишварҳои узви ИДМ баргузор мешавад.
Қарор аст, ки Тоҷикистон дар намоишгоҳи сайёҳӣ имконоташро дар ин соҳа муаррифӣ намуда, дар ҷаласаи муаррифии “Массири нав” ширкат хоҳад кард.
Масъалаҳои рӯзномаи ҷаласа иқтидори сайёҳии кишварҳо ва минтақаҳои ИДМ, сайёҳии тиббию экологӣ, тамоюлҳои саноати ҷаҳонӣ дар замони ноором барои он, дурнамои ивази воридот дар тамоми сатҳҳои он мебошанд.
Дар назар аст, ки дар чорабинӣ роҳбарони ниҳодҳои дахлдори кишварҳои узви ИДМ, намояндагони вилояти Санкт-Петербург ва кумитаи иҷроияи ИДМ, инчунин мутахассисони соҳаи сайёҳӣ, кормандони меҳмонхонаҳо ва осоишгоҳҳо, ширкатҳои ҳавопаймоиву наклиётӣ ширкат кунанд.
Ҳадафи аслии вохӯриҳо рушди робитаҳои нав байни иштирокчиёни бозори сайёҳии кишварҳои иттиҳод дар заминаи баста шудани қисман сарҳадҳо ва хуруҷи як қатор бозигарони байналмилалӣ дар ИДМ мебошад.
