Ҷудокори тоҷик, -Абубакр Шеров дар вазни -66кг дар мусобиқаи байналмилалӣ миёни 154 варзишгар аз шаш давлат ба гирифтани медали нуқра даст ёфт. Дар ин бора радиои “Овози тоҷик” дар такя ба Кумитаи миллии олимпии кишвар хабар медиҳад.
Бино ба иттилои манбаъ, Ҷоми кушоди Осиё (Aktau Asian Open 2022) 13 то 14 август дар шаҳри Актауи Қазоқистон сурат гирифта, ба хотираи Турар Жолдибаев баргузор шуд. Дар он 154 варзишгар аз шаш давлат ширкат карданд. Тими мунтахаби ҷудои Тоҷикистон иборат аз 8 нафар дар ин мусобиқа иштирок карда, танҳо як нафар — Абубакр Шеров дар вазни -66кг. Сазовори ҷойи дуввум гардид.
Абубакр нерусанҷиро аз даври дуюм оғоз карда, бар варзишгари мизбон Азамат Зулжалелов, дар чорякниҳоӣ бар ҷудокори дигари мизбон Болат Билол ва нимфинал бар сеюм ҷудокори мизбон Алмас Галимов пирӯз шуд, вале дар финал аз ҷудокори пуртаҷрибаи мизбон Сунгат Жубаткан бо дарёфти се «шидо» мағлуб ва барандаи медали нуқра гардид.
Варзишгари дигарамон Наврӯз Каримзод дар вазни -73кг ҷои ҳафтумро гирифт.
АХБОРИ МОНАНД:
Паҳлавонони тоҷик дар Мусобиқаи «Zagreb Grand Prix 2022» оид ба дзюдо иштирок мекунанд
Кишвари мо мизбони боз як мусобиқаи байналмиллалӣ мегардад
CAFA-2022: Дастаи ҷавонони Тоҷикистон (U-19) бар Қирғизистон пирӯз шуд
Бозиҳои 5-уми ҳамбастагии исломӣ оғоз шуд. Тоҷикистонро 48 варзишгар муаррифӣ мекунанд
