Собиқ вазири молияи Британияи Кабир Риши Сунаки 42-сола дар натиҷаи овоздиҳӣ роҳбари ҳизби “Муҳофизакор”-и ин кишвар шуд ва ба таври худкор сарвазири мамлакат гардид. Дар ин бора телевизиони “Sky News” иттилоъ додааст.
Бино ба иттлои ин расона, аз 355 аъзои фраксияи консерваторҳо дар палатаи ҳизб тақрибан 178 нафар ба тарафдории ӯ овоз доданд. Рақиби ӯ — роҳбари Палатаи обшинаҳо ё котиби давлатӣ Пенни Мордаунт аз пуштибонии ҳамагӣ 25 вакил ва 100 нафар бархӯрдор шудааст. Пас аз ин, вай аз мубориза барои курсии сарвазирӣ даст кашид, ки ин маънои пирӯзии Сунакро дорад.
Рӯзи 23 октябр шабакаи телевизионии “Sky News” хабар дод, ки сарвазири собиқ Борис Ҷонсон дар интихобот ширкат намекунад. Қаблан, ба иттилои ин шабака Ҷонсон гӯё 100 овози заруриро барои пешбарӣ гирифт, аммо ба маълумоти “Би-би-сӣ” ӯ ҳамагӣ 50 овоз гирифт.
Риши Сунак рақиби аслии Лиз Трасс дар интихоботи зудамали роҳбари ҳизб ва сарвазир буд, ки пас аз истеъфои Ҷонсон дар моҳи сентябри соли ҷорӣ баргузор шуд. Дар даври охирин, ки сарвазирро аъзои ҳизб дар саросари кишвар интихоб карданд, Сунак 42,6% овозҳоро ба даст овард, дар ҳоле, ки Трасс 57,4%-и овозҳоро гирифта буд. Аммо ғолиб пас аз пурра иҷро нашудани нақшаи худ оид ба беҳтар кардани иқтисодиёт, ки боиси якбора паст шудани қурби фунт стерлинг гардид, аз мақомаш истеъфо дод ва акнун Сунаки ҳиндутабор ҷойгузини ӯ шуд.
