Раванди тағйир ва табдилёбии энергияи барқароршавандаи ҷаҳонӣ дар 5-умин Саммити Иқтисодии Истанбул баррасӣ гардид

Дар шаҳри Истанбули Туркия 5-умин Саммити Иқтисодии Истанбул таҳти унвони “Иқтисодиёти Сабз” доир гардид, ки дар он мавзуҳои “Муҳимияти Ҳадафҳои Рушди Устувори Иқтисоди Сабз”, “Раванди тағйир ва табдилёбии энергияи барқароршавандаи ҷаҳонӣ”, “Таъсири экотуризм ба иқтисодиёти муҳити зист, ҳаёти иҷтимоӣ ва фарҳангӣ”, “Тағйир додани экосистемаи мобилӣ ва ояндаи худмухтори мо”, Табдил додани электрификатсия дар саноати автомобилӣ”, “Чӣ гуна муомилоти сабз ва маблағгузории сабз тавозуни иқтисоди ҷаҳонро тағйир медиҳанд?” ва “Тавозуни нав дар занҷири шикастаи таъминот бо Ковид-19” мавриди баррасӣ ва муҳокима қарор гирифтанд.

Тавре радиои “Овози тоҷик” бо истинод ба Вазорати рушди иқтисод ва савдои кишвар хабар медиҳад, Ҷумҳурии Тоҷкистонро дар ин чорабинӣ муовони вазири рушди иқтисод ва савдо Абдураҳмонзода Абдураҳмон Сафаралӣ намояндагӣ кард.

Номбурда зимни суханронии худ вобаста ба дастовардҳои назарраси Ҷумҳурии Тоҷикистон дар самти тиҷорати электронӣ ва рақамикунонии иқтисодиёт иттилоъ дода, аз иштирокчиёни чорабинӣ, сармоягузоронва намояндагони созмонҳои байналмилалӣ ҷиҳати иштирок дар лоиҳаҳои сармоягузории афзалиятноки кишвар даъват ба амал овард.