Дар 24 соати гузашта дар шимол ва маркази Афғонистон беш аз 40 аъзои Толибон кушта шуданд

Бино ба гузориши гурӯҳи радиои «Овози тоҷик» ба нақл аз расонаҳо,  дар давоми 24 соати гузашта мухолифони Толибон дар се вилояти марказӣ ва шимолии Афғонистон ҳамлаҳои худро ба мавқеъҳои онҳо шадидтар карданд, ки дар натиҷа беш аз 40 нафар аз Толибон кушта шуданд.

Шабакаи телеграмм тасдиқ кард, ки аслиҳа ва техникаи замонавӣ ба нерӯҳои вилоятӣ, ки бо Толибон меҷанганд, расидаанд.

Дирӯз ҷангиёни Панҷшерӣ барои ҳамлаи пайваста ба мавқеъҳои Толибон аз силоҳи сангин истифода карданд.

Ҳамлаҳо ба пойгоҳҳои Толибон дар чанд минтақа нигаронида шуда, ҳадди кам  40 нафар аз Толибон кушта шуданд.

Дар ин ҳамлаҳо низ бисёре аз ҷангҷӯёни Толибон захмӣ шудаанд.

Якчанд мошинҳои низомии Толибон ва посбонӣ низ нобуд карда шуданд.