Шумораи сироятёфтагони Covid-19 дар Ҳиндустон ба 19 925 604 нафар расид

Шабонарӯзи охир дар Ҳиндустон 386 147 ҳоли нави сироятёбӣ ба бемории сироятии Covid-19 ба қайд гирифта шуд. Шумораи умумии сироятёфтагон дар ин кишвар 19 925 604  нафарро ташкил медиҳад.

Тавре Вазорати тандурустӣ ва некуаҳволии оилаи Ҳиндустон хабар медиҳад, фавтҳои марбут ба сирояти коронавирус дар давоми 24 соат ба 3 417 нафар афзуда, дар умум 218 959-ро ташкил медиҳад.

Ба иттилои манбаъ, шумораи беморони шифоёфта дар як рӯз 300 732 нафар афзуда, шумораи умумии онҳо ба ба 16 293 003 расидааст.

Тайи як шабонарӯзи гузашта дар кишвар 1 210 347 шаҳрвандон алайҳи сирояти коронавирус эм карда шуданд, шумораи умумии шаҳрвандоне, ки аз ваксина гузаштанд,  157 198 207 нафарро ташкил медиҳад.

Бояд гуфт, ки Ҳиндустон аз рӯи сатҳи эмгузаронии аҳолӣ яке аз пешсафони ҷаҳон ба ҳисоб меравад.

 

Leave a Reply

Your email address will not be published. Required fields are marked *