Дар Душанбе Форуми сеюми занони СҲШ ифтитоҳ гардид

Имрӯз, 10 июн дар Китобхонаи миллии Тоҷикистон Форуми сеюми занони Созмони Ҳамкории Шанхай ифтитоҳ гардид. Дар кори он намояндагони кишварҳои аъзои СҲШ, ходимони сиёсӣ, намояндагони доираҳои соҳибкорӣ, ҷомеаи шаҳрвандӣ ва соҳаи илм ширкат доранд.

Тавре хабарнигори радиои «Овози тоҷик» Шаҳнозаи Муҳиддин аз ҷараёни он хабар медиҳад, ба баргузории чорабинии мазкур Муовини Сарвазири Ҷумҳурии Тоҷикистон Матлубахон Сатториён ва Раиси Кумитаи кор бо занон ва оилаи назди Ҳукумати Ҷумҳурии Тоҷикистон Ҳилолбӣ Қурбонзода  ҳусни  оғоз бахшиданд.

Дар назар аст, ки дар Форуми сеюми занони СҲШ мавзӯъҳои «Ниҳодҳо оид ба тақвияти нақши занон дар кишварҳои аъзои СҲШ», «Такмили ҳамкорӣ дар масъалаҳои гендерӣ дар доираи СҲШ, «Тақвияти салоҳияти занон дар рушди соҳибкорӣ», натиҷаҳои фаъолият оид ба мубориза бо ҳама гуна зӯроварӣ нисбати занон ва духтарон дар оила ва ҷомеа, табодули таҷриба ва таҷрибаи муваффақ дар ин самт» мааввриди баррасӣ қарор мегиранд.

Маврид ба зикр аст, ки ҳадафҳои Стратегияи рушди СҲШ то соли 2025 ва Ҳадафҳои рушди устувори СММ то соли 2030 аз бисёр ҷиҳатҳо, аз ҷумла дар масъалаҳои таъмини баробарии гендерӣ, дастрасӣ ба тамоми намудҳои хидматҳо ва ҷузъҳои асосии фаъолияти инсон, мувофиқат мекунанд.

Leave a Reply

Your email address will not be published. Required fields are marked *