Бознашри мақолаи Пешвои миллат дар рӯзномаи интернетии “Q8-PRESS” ва Миср низ сурат гирифт

Рӯзномаи интернетии “Q8-PRESS” (Кувайт-Пресс) мақолаи Асосгузори сулҳу ваҳдати миллӣ – Пешвои миллат, Президенти Ҷумҳурии Тоҷикистон, Раиси Шӯрои сарони давлатҳои узви Созмони ҳамкориҳои Шанхай муҳтарам Эмомалӣ Раҳмонро таҳти унвони “20 соли СҲШ: ҳамкорӣ баҳри субот ва шукуфоӣ”, ки дар АМИТ “Ховар” интишор ёфта буд, ба забони арабӣ бознашр намуд. Дар ин бора Вазорати корҳои хоричии кишвар хабар медиҳад.

Хамчунин, муҳтавои мақолаи  дар пойгоҳи хабарии Trend.az ва маҷаллаи Azernews.az-и Ҷумҳурии Озарбойҷон ба забонҳои озарӣ, русӣ ва англисӣ зери унвонҳои “Эмомалӣ Раҳмон: СҲШ иштирокчии бонуфузи низоми муосири муносибатҳои байналмилалӣ” ва “Мақолаи Президент Эмомалӣ Раҳмон ва мусоҳибаи ӯ бо “Ховар” дар маркази таваҷҷуҳи расонаҳои ҷаҳон” ба чоп расид.

6 июли 2021 Бунгоҳи иттилоотии Ҷумҳурии Арабии Миср “Ал-Хабар-ул-явм” мақолаи Асосгузори сулҳу ваҳдати миллӣ, Пешвои миллат, Президенти Ҷумҳурии Тоҷикистон, Раиси Шӯрои сарони давлатҳои узви Созмони ҳамкории Шанхай муҳтарам Эмомалӣ Раҳмонро зери унвони “20 соли СҲШ: ҳамкорӣ ба хотири субот ва шукуфоӣ” бознашр намуд.

Бознашри ин мақола дар Миср, ки яке аз кишварҳои меҳварӣ дар Ховари Миёна ва қитъаи Африқо ба шумор меравад, бозгӯй аз обурӯю эътибори Тоҷикистон ва аҳаммияти муҳтавои раёсати он дар ин созмони бонуфузи минтақавӣ арзёбӣ мегардад.

Leave a Reply

Your email address will not be published. Required fields are marked *