Дар Душанбе баргузории форуми соҳибкорони Тоҷикистону Украина дар назар аст

Бо мақсади рушди ҳамкориҳо байни Ҳукумати Ҷумҳурии Тоҷикистон ва Ҳукумати Ҷумҳурии Украина дар назар аст, ки  дар Душанбе шурӯъ аз 26 октябри соли равон ҷаласаи 6-уми Комиссияи байниҳукуматии Тоҷикистону Украина оид ба ҳамкории иқтисодӣ доир гардад. Ҷаласаи мазкур ду рӯз давом намуда, 27 октябр ба анҷом мерасад. Дар ин бора сафири мухтори Украина дар Ҷумҳурии Тоҷикистон Василий Серватюк зимни суханрнии худ дар намоиш-ярмаркаи байналмилалии “Тоҷикистон-2021. Тирамоҳ” хабар дод, итилоъ медиҳад хабарнигори радиои “Овози тоҷик” Тахминаи Амониён.

Тибқи иттилои номбурда, дар доираи ҷаласаи мазкур масъалаҳои ҷорӣ ва дурнамои ҳамкориҳои мутақобилан судманди ду кишвар баррасӣ мегарданд, ки барои мустаҳкам намудани ҳамкориҳои дуҷонибаи тиҷоратӣ ва техникию иқтисодӣ, пешбурди сармоягузорӣ ва рушди фаъолияти минтақаҳои озоди иқтисодӣ, ташкили корхонаҳои муштарак ва намояндагиҳои он дар ҳудуди ҳар ду ҷониб мусоидат хоҳанд кард.

Ҳамчунин, дар доираи ҷаласаи шашуми Комиссияи байниҳукуматӣ рӯзи 27 октябр дар Китобхонаи миллии Тоҷикистон форуми соҳибкорони Тоҷикистону Украина баргузор мегардад, ки дар кори он соҳибкорони ду кишвар аз соҳаҳои мухталифи иқтисод дар формати гибридӣ ширкат меварзанд.

Боиси зикр аст, ки дар раванди он иштирокчиён оид ба омӯзиш ва мубодилаи таҷрибаи мутахассисони соҳаи хоҷагии қишлоқ, ба роҳ мондани ҳамкориҳо дар соҳаҳои сайёҳӣ, саноати сабук, кори бонкӣ, суғурта ва дигар масъалаҳои муҳим гуфтушунидҳо анҷом медиҳанд.

Тибқи иттилои Василий Серватюк, ҳамзамон дар мулоқот вазъ ва дурнамои рушди ҳамкориҳои ду кишвар дар бахшҳо ба мисли иқтисод, тиҷорат, сармоягузорӣ, энергетика, саноат, нақлиёт, кишоварзӣ, маориф, сайёҳӣ ва дигар ҷанбаҳои ҳамкориҳои дуҷониба мавриди муҳокима қарор дода мешаванд.

 

Leave a Reply

Your email address will not be published. Required fields are marked *