Дар Душанбе маҳфили ёдбуди собиқ Президенти Ҷумҳурии Исломии Афғонисто Бурҳониддини Раббонӣ баргузор мегардад

Имрӯз дар Сафорати Ҷумҳурии Исломии Афғонистон дар Тоҷикистон маҳфили ёдбуд бахшида ба гиромидошти хотираи Арбоби давлатӣ, собиқ Президенти Ҷумҳурии Исломии Афғонистон, Раиси Шӯрои сулҳи Афғонистон Бурҳониддини Раббонӣ баргузор мегардад.

Тавре Ораш Бориз аташеи фарҳангии Сафорати Ҷумҳурии Исломии Афғонистон дар Тоҷикистон ба радиои «Овози тоҷик» хабар дод, дар маҳфили ёдбуд орифон ва дигар дӯстдорони аҳли илму адаб, меҳмонон ва шаҳрвандони афғони муқими Тоҷикистон иштирок мекунанд.

Боиси ёдоварист, ки Бурҳонуддин Раббонӣ соли 1940 (тибқи баъзе маълумот – соли 1941) дар Файзобод (вилояти Бадахшони Афғонистон) таваллуд шудааст. Соли 1961 мадрасаи Кобул ба номи Абӯҳанифа хатм намуда, аз солҳои 1961-1964 дар Донишгоҳи Кобул дар факултаи шариат таҳсили илм намудааст. Номбурда барои идомаи таҳсилоти теологӣ ба Миср рафта, дар он ҷо ба Донишгоҳи Ал-Азҳари Қоҳира дохил шуд.

Солҳои 1989-1992 Вазири корҳои хориҷии ҳукумати Пешовар буд.

Бурҳониддин Раббонӣ то соли 2001 аз ҷониби ҷомеаи ҷаҳонӣ сарвари расман эътирофшудаи Афғонистон боқӣ монд.

Аз соли 2010 Бурҳонуддин Раббонӣ Шӯрои олии сулҳро (SCM) раҳбарӣ кард, ки худи ҳамон сол таъсис ёфт.

20 сентябри соли 2011 Бурҳонуддин Раббонӣ бар асари таркиш дар саҳни ҳавлии хонааш дар кӯчаи 10 -уми хиёбони Вазир Акбар Хони Кобул кушта шуд.

Маврид ба зикр аст, ки корнамоӣ ва ҷасорату мардонагии Бурҳониддин Раббонӣ дар таърих беҳтарин нишони олии садоқат ба кору вазифа, эҳтиром ба касб, ба ҳаёт ва саломатии онҳо ба ҳисоб меравад.

Leave a Reply

Your email address will not be published. Required fields are marked *