Сафири Тоҷикистон ба Президенти Молдова эътимоднома супорид

14 октябр дар шаҳри Кишинёв маросими супоридани эътимодномаи Сафири Фавқулода ва Мухтори Ҷумҳурии Тоҷикистон дар Ҷумҳурии Молдова Давлаталӣ Назризода ба Президенти Ҷумҳурии Молдова Майя Санду баргузор гардид. Дар ин бора Вазорати корҳои хориҷии Ҷумҳурии Тоҷикистон хабар дод.

Сипас мулоқоти Сафир бо Президенти Молдова сурат гирифт, ки дар ҷараёни он Президенти Молдова Сафири Тоҷикистонро ба муносибати таъйин шуданаш ба ин мансаб табрик намуда, вобаста ба ҳолати кунунӣ ва дурнамои рушди муносибатҳои Тоҷикистону Молдова ибрози андеша намуд.

Сафир таманниёти неки Асосгузори сулҳу ваҳдати миллӣ-Пешвои миллат, Президенти Ҷумҳурии Тоҷикистон муҳтарам Эмомалӣ Раҳмонро ба Президенти Ҷумҳурии Молдова муҳтарам Майя Санду расонида, иброз намуд, ки барои рушду таҳкими муносибату ҳамкории ду кишвари дӯст тамоми имконияти мавҷударо сафарбар хоҳад кард.

Leave a Reply

Your email address will not be published. Required fields are marked *