Музаффар Ҳусейнзода бо Сафири Италия дар Тоҷикистон мулоқот намуд

Муовини Вазири корҳои хориҷии Ҷумҳурии Тоҷикистон Музаффар Ҳусейнзода Сафири Фавқулода ва Мухтори Ҷумҳурии Италия дар Ҷумҳурии Тоҷикистон Агостино Пиннаро ба ҳузур пазируфт. 

Тавре радиои “Овози тоҷик” бо истинод ба Вазорати корҳои хориҷии кишвар хабар медиҳад, дар ҷараёни мулоқот ҷонибҳо ҳолати кунунӣ ва дурнамои густариши  ҳамкории мутақобилан судманд дар соҳаҳои сиёсӣ, тиҷоратӣ  иқтисодию гуманитарӣ ва мушорикат дар доираи созмонҳои байналмилаию минтақавиро баррасӣ намуданд.

Дар меҳвари гуфтугӯи ҳамсуҳбатон масъалаҳои вобаста ба тиҷорат, муаррифии имконоти сармоягузории ду кишвар ва тақвияти робитаҳо миёни муассисаҳои фарҳангии Тоҷикистон ва Италия қарор дода шуд.