Созмони Милали Муттаҳид : Толибон аз ҷои будубоши ду зани эътирозгар дар Кобул, ки рабуда шудаанд дарак диҳанд

Намояндагии Созмони Милали Муттаҳид дар Афғонистон (UNAMA) дар бораи нопадид шудани Таманн Зарёб Париёнӣ ва Парвона Иброҳимхел, ду зани эътирозгар дар Кобул изҳори нигаронӣ карданд.
Ба гузориши радиои «Овози тоҷик» дар истинод ба UNAMA субҳи имрӯз (шанбе ) дар Твиттер навишт, ки ин ду зани фаъол шаби чоршанбе аз хонаҳояшон рабуда шуданд.
Бино ба гузоришҳо, нерӯҳои Толибон шабона ба манзилҳои занони эътирозгар дар Кобул ҳамла карда, шуморе аз онҳоро боздошт кардаанд.
Видеои Таманно Зарёб Парёонӣ, як зани эътирозгар дар шабакаҳои иҷтимоӣ дида мешавад, ки дар бораи ҳамлаи Толибон ба манзилаш дод мезанад.
Дар ин навор ӯ мегӯяд, ки аъзои Толибон аз паси дарвозаи хонааш омада, хостори боздошти ӯ шуданд.
Аммо Толибон ин хабарҳоро рад мекунанд ва боздошти занони эътирозгарро иттиҳомоти беасос медонанд.
Дафтари СММ аз Толибон дархост кардааст, ки дар бораи макони будубоши боздоштшудаҳо маълумот диҳанд.
Дар пайи маҳдудиятҳои Толибон нисбати занон, шуморе аз занон борҳо аз сиёсатҳои Толибон интиқод ва эътироз кардаанд.