То имрӯз дар Исфара 435 адад иншоотҳои ҷашнӣ мавриди истифода қарор гирифт

Бахшида ба истиқболи сазовори ҷашни 30 — солагии Истиқлоли давлатии Ҷумҳурии Тоҷикистон дар шаҳру деҳоти Исфара таҳти шиори «1300 – рӯзи меҳнати зарбдор» тадбирҳои шоиста роҳандозӣ мегарданд. Тибқи нақшаи чорабиниҳои тасдиқшуда дар шаҳру деҳоти Исфара бунёду навсозиии  474 иншоот, аз ҷумла корхонаҳои истеҳсолӣ пешбинӣ шуда, то имрӯз 435 адади он мавриди истифода қарор гирифтааст. Дар ин бора макомоти иҷроияи ҳокимияти давлатии вилояти Суғд хабар медиҳад.

Ба муносибати ин ҷашни фархунда ҷиҳати иҷрои дастуру ҳидоятҳои  Асосгузори сулҳу ваҳдати миллӣ — Пешвои миллат, Президенти мамлакат оид ба ширкати фаъолонаи соҳибкорон дар раванди  корҳои бунёдкориву созандагӣ соҳибкорони Исфара бо нишони дастгирӣ аз сиёсати дурусти Ҳукумати Ҷумҳурии Тоҷикистон ва эътимоди қавӣ ба фардои неки Ватан дар ин маърака мавқеи пешсафиро ихтиёр намудаанд.

Бо саҳми соҳибкорон имрӯз  бунёди корхонаҳои саноатӣ, коркарди меваи хушк, иншоотҳои истеҳсоливу иҷтимоӣ, биноҳои истиқоматӣ, таъмиру тармими иншоотҳои таъиноти гуногун босуръат идома дорад.

Leave a Reply

Your email address will not be published. Required fields are marked *